LIZA-R përfundon vizitën në Bursa të Turqisë.
Organizata Liza-R me sukses realizoi projektin e saj në Turqi i cili u realizua nga 11-16 Dhjetor 2015.
Projekt ky që kishte gjithësej 18 anëtarë të rinjë të organizatës nga tërë Kosova, ndër ta përfaqesues të studentëve, (Universiteti Haxhi Zeka z. Mustaf Nuraj dhe përfaqësuesja nga komuniteti Boshnjakë znj. Arlinda Hyseni ), organizatave rinore, biznismen dhe Profesorë.
Në këtë projekt u mbajtën aktivitete të ndryshme vizita me karakter lobus në lidhje me mundësinë e investimeve nga investitorët turk, sidomos ata me prejardhje shqiptare për mundësinë e invesitimit të tyre në atdheun e tyre me qëllim të rritjes së zhvillimit Ekonomik dhe Krijimit të vendeve të reja të punës për të rinjtë në Kosovë.
Fokus i tyre ishin investimet në Tregti, Industri, Bujqësi, Shkencë dhe Teknologji, si dhe të krijimit të urave bashkëpunuese në mes Universiteteve nga Kosova dhe atyre në Turqi në fushat e ndryshme Akademike.
Projekti u përkrah maksimalisht nga Nënkryetari i Komunës së Gursusë z. Şakir Birol Kaya , nga Kryetari i Komunës së Yildirimit z. Ismail Hakkı Edebali dhe nga Kryetari i Komunës së Madhe të Bursës z. Recep Altepe.
Gjatë këtij projekti këta të rinjë patën mundësinë të njoftohen për së afërmi me strukturat më të larta të Qeverisë Komunale dhe Parlamentare të Republikës së Turqisë dhe strukturat tjera shoqërore ku i gjithë ky program ishte i një niveli shumë të lartë organizativ.
Ky aktivitet kaq i rëndesishëm i organizatës tonë nuk do të jetë i fundit i llojit të tillë, shumë shpejtë do të organizojmë projekte tjera të fuqishme me miqtë-vllezërit tanë nga Turqia, Europa dhe SHBA.
LIZA-R do të rritë angazhimet e veta profesionale vetëm e vetëm që të rinjëve të Kosovës të ju afrohet një mundësi më e madhe në shkëmbimin e përvojave, marrjen e eksperiencave të reja, ofrimit të mundësive të kryerjës së ekspertizave të ndryshme nga të rinjët tanë në Turqi, në mënyrë që marrëdhëniet tona të mira diplomatike e vllazërore me popullin dhe shtetin Turk të vazhdojnë edhe më tutje.
Disa foto
